У бліжэйшыя дні ў літургіі ўспамінаем:
у аўторак – 24 снежня – вігілія ўрачыстасці Божага Нараджэння;
у сераду – 25 снежня – урачыстасць Божага Нараджэння;
у чацвер – свята св. Стэфана, першамучаніка;
у пятніцу – свята св. Яна, апостала і евангеліста.
у суботу – свята свв. Немаўлят, мучанікаў;
у наступную нядзелю – Свята Святой Сям’і: Езуса, Марыі і Юзафа.
На гэтым тыдні расклад святых Імшаў будзе наступны:
у панядзелак – у 18.00;
у аўторак – у 22.00 – святая Імша ў вігілію Божага Нараджэння;
у сераду – у 10.00 і 16.00;
у чацвер – у 18.00;
у пятніцу – у 18.00;
у суботу – у 10.00;
у наступную нядзелю – у 10.00 і 16.00.
Запрашаю далучыцца да падрыхтоўкі дэкарацыі на Божае Нараджэнне.
Першыя 8 дзён пасля ўрачыстасці Божага Нараджэння імкнемся перажываць радасна, таму ў бліжэйшую пятніцу не абавязвае пятнічны пост.
Ёсць магчымасць набыць аплаткі на вігілійны стол (кошт - дабравольная ахвяра) – звяртацца да Настасіі ці Таццяны Анатольеўны.
Шчырая падзяка для усіх, хто дапамагае ў тых працах, якія адбываюцца ў парафіяльным доме. Цяпер ёсць ідэя штосьці зрабіць з нашымі вокнамі ў капліцы – наклеіць на іх выявы Маці Божай Бялыніцкай; св. Міхала Арханёла – апекуна Касцёла ў Беларусі; Слугі Божага Кс. Біскупа Баляслава Слосканса, які з’яўляецца для нас не толькі прыкладам адданага пастыра Касцёла на Магілёўшчыне, але і мужным вызнаўцам веры; а таксама св. Рафала Каліноўскага – ён у свой час вучыўся ў Горацкай Акадэміі (праўда – не скончыў :) ). Шчырае дзякуй усім, хто дапаможа ў гэтай справе.
Запрашаем далучыцца да акцыі “Вігілійная свечка”, якую праводзіць Карытас – дабрачынная арганізацыя Касцёла. Звяртацца да Таццяны Анатольеўны. Ёсць магчымасць набыць каляндар на надыходзячы 2014г. Звяртацца на Настасіі.
Пачынаючы ад наступнай нядзелі, у нашай парафіі будуць адбывацца катэхезы дарослых, падчас якіх мы спрабуем разам разважаць над нашай духоўнасцю. Спатканні будуць адбывацца пасля святой Імшы а 10.00.
Дзякую Вам, дарагія браты і сёстры, за супольную малітву. Няхай Добры Бог узнагародзіць вашую шчодрасць і дабрыню. Добрага перажывання нядзелі і плённых дзён працы, а перадусім належнай падрыхтоўкі да Раства Хрыстовага!
тэл:8-029-880-99-19 (кс. Андрэй)
