РАСКЛАД БАГАСЛУЖЭННЯЎ НА БЛІЖЭЙШЫЯ ДНІ:
- з панядзелка па пятніцу – святая Імша ў 18.00
- у суботу – святой Імшы ў капліцы не будзе
- у нядзелю – 5 лютага – святая Імша ў 10.00 і 16.00.
- На бягучым тыдні ў літургіі:
- 31 студзеня – успамін св. Яна Боско
- 2 лютага – свята Ахвяравання Пана - асвячэнне свечак (грамніцы) .
- 3 лютага – успамін св. Блажэя - малітва праз заступніцтва св. Блажэя.
- 5 лютага – успамін св. Агаты - асвячэнне хлеба праз заступніцтва св. Агаты.
- У сераду – малітва перад іконай Маці Божай Бялыніцкай; Мы трошкі перапрацавалі існуючыя тэксты – цяпер кожную сераду ў нашай парафіі будзе вечарам цэлебравацца святая Імша, спалучаная з Літургіяй Гадзінаў у гонар Маці Божай. Шчыра запрашаем!
- У чацвер – малітва аб пакліканнях да манаскага і святарскага жыцця.
- 4-5 лютага Магілёўскую вобласць наведае Апостальскі Нунцый арцыбіскуп Габар Пінтэр, які наведае некаторыя парафіі Магілёўскага дэканату.У прыватнасці, 4 лютага прадстаўнік Папы прыме ўдзел у пастырскай сустрэчы духавенства Магілёўшчыны, якая адбудзецца ў касцёле Ўнебаўзяцця Найсвяцейшай Панны Марыі і св. Станіслава, а таксама наведае будаўніцтва касцёла св. Антонія Падуанскага (перасячэнне Шмідта і Астроўскага). 5 лютага іерарх а 11.00 узначаліць святую Імшу ў магілёўскай конкатэдры і будзе магчымасць сустрэчы з вернікамі.
- Просьба аб малітве ў інтэнцыі рамонтных прац, якія адбываюцца ў парафіяльным доме, а таксама за ўсіх ахвярадаўцаў нашай парафіі.
- Вялікая падзяка за клопат аб чысціні капліцы напрацягу мінулага тыдня. Запрашаем і далей далучацца да гэтай добрай ініцыятывы, бо гэта – нашая агульная справа.
- Дзякую за дар супольнай малітвы. Няхай Госпад блаславіць Вам усім падчас працы, вучобы, іншых штодзённых клопатах!