Цяперашні сінадальны працэс  кіруецца фундаментальным пытаннем: Як гэтае «сумеснае падарожжа» праходзіць сёння на розных узроўнях (ад мясцовага да сусветнага), дазваляючы Касцёлу абвяшчаць Евангелле? І якія крокі Дух прапануе нам зрабіць, каб расці як сінадальны Касцёл? (PD, 2)

«Сінод» — старажытнае і шанаванае слова ў Касцёле, сэнс якога абапіраецца на самыя глыбокія пытанні Адкрыцця […] Ён паказвае шлях, па якім разам ідзе Божы народ. У роўнай ступені ён звяртаецца да Пана Езуса, які называе сябе «дарогай, праўдай і жыццём» (Ян 14, 6), а таксама да таго, што хрысціяне, Яго паслядоўнікі, першапачаткова называліся «паслядоўнікамі Шляху» (пар. Дзеі 9, 2; 19, 9.23; 22, 4; 24, 14.22).

Мы стаім перад Табою, Духу Святы,

калі мы збіраемся разам у імя Тваё.

Толькі Ты кіруй намі,

адчувай сябе як дома ў нашых сэрцах;

Навучы нас той дарозе, якой мы павінны ісці,

і як нам ісці па ёй.

Мы слабыя і грэшныя;

не дазваляй нам распаўсюджваць бязладдзе.

Не дазваляй няведанню весці нас па няправільным шляху,

ні прадузятасці ўплывацьна нашы дзеянні.

Дай нам знайсці ў Табе наша адзінства,

каб мы разам падарожнічалі да вечнага жыцця,

і не збіцца са шляху праўды

і таго, што правільна.

Усё гэта мы просім у Цябе,

які дзейнічаеш у кожным месцы і ў кожны час,

у еднасці Айца і Сына,

на вякі вечныя.

Амэн.

Сінод 2021-2023

17 кастрычніка гэтага года распачаўся дыяцэзіяльны этап Сіноду Біскупаў на тэму: «На карысць сінадальнага Касцёла: камунія, удзел і місія», які будзе доўжыцца да красавіка 2022 года.